يعني إيه انتخابات يمنية : شرح مبسط وتلقائي عن الإنتخابات اليمنية "باللهجة العامية

واحد مصري بعثلي يسألني "انتو إزاي ترضوا بمرشح واحد، إيه الإنتخابات الأونطه دي؟" ..طبعا صعب أشرحله قصة اليمن والإنتخابات على صفحة تويتر التي لا تسمح الا بعدد معين من الحروف، وقصة السياسة اليمنية قصة طويلة محتاجة مجلدات! ولكني قررت أن أكتب عن الإنتخابات وقررت ان كتابتي تكون بالعامية عشان نخلي "البساط أحمدي" ونخليها قصة بسيطه من غير عقد عشان نخرج من حالة التعقيد والفلسفات التي أنتشرت في كل مكان على الإنترنت

يعني ايه انتخابات يمنية؟نحكي الحكاية من أولها..كان في واحد إسمه علي عبدالله صالح كان يحكم اليمن بإسلوب الرقص مع الافاعي "أو الثعابين"، الأفاعي كبار كل واحد فيهم له طموحات، اللي يريد السرقه واللي يريد يحكم واللي يريد الإثنين، المهم صالح بشطارته لعبهم كلهم ..وخلى كل واحد يكون فاسد مثله مثل غيره عشان كلهم يتساوو ومافيش حد أحسن من حد. إستولى على قوة الجيش ووزعها على اللي يثق فيهم من أهله.حصل خلافات مع بعضهم ولكنه ضل يرقص مع الثعابين ويضرب السلفيين بالإشتراكيين ويضرب الحوثيين بالسلفيين..وهكذا

كبروا أبناء الصالح وبدأ أحمد يكون له رغبه في وراثة اليمن اللي هيا على أساس من أملاك "بابا"، طبعا بقية العائلة اتضايقت هم كمان لهم نصيب من التركة"إشمعنا هم يعني" وحابين ياخذوها!حصل خلافات برضوا ولكن ضل الوضع نوعا ما في صالح صالح وإبنه

من سوء حظ صالح طلع شي جديد اسمه "ربيع عربي"، وبدأ الناس كل بلد حابه تخلص من الزعيم اللي كابس على نفسهم من سنين، صالح خاف طبعا، شاف زين العابدين هرب، ومبارك اتحبس، يروح فين من البلوه دي!ماهو كمان حاكم من عشرات السنين واليمن بلد فاشل وفقير ونص الشعب أمي، يادي الحوسه اللي فيها مرقص الثعابين. قرر الناس الطيبيين يخرجوا ضد النظام ، طبعا كل خصومة انبسطوا جدا وكل واحد فيهم راوده الأمل ان هذه هي الفرصه ينتقموا من اللي رقصهم ويحكموا هم كمان!!وماله هو يعني أحسن منهم مثلا؟ماهم كمان سرق ويعرفوا يرقصوا على خفيف

، المهم ، أنضموا للثورة كل الثعابين من أكبر ثعبان لأصغر ثعبان.طبعا كان صعب إن الناس الطيبين يقولوا لهذا لأ انت سارق أراضي وهذا لأ انت فاسد ، وهذا لأ انت لك أجندات طائفية، وهذا لأ انت لا تفهم بالدولة المدنيه وماتفهمش غير بالسلاح، وهذا تقوله لأ انت تريد تحكم بإسم الدين. وتقول لهذا لأ انت تريد هدف ثاني غير اللي احنا بنعمله عشان تسيبنا وتنفصل. ..كان صعب ..لأن لو اترفضوا كانوا حيخافوا يتحاكموا هم كمان ويفضلوا صالح ويوقفوا معاه بدل مايوقفوا مع الناس الطيبين.. وللأسف وبفضل صالح الثعابين كثير كثير كثير ..يعني كانوا الناس الطيبين اللي خرجوا ضد صالح حيرفضوا مين والا مين !! وقبلوا بالكل بدون استثناء وقالوا حيا بهم حيا بهم

..

بدأ صالح يحارب الناس الطيبيين عن طريق نقطة ضعفهم اللي هي : الثعابين اللي معاهم. كان كل مره يزيد ويعيد إن الناس الطيبيين مخدوعين وبينضحك عليهم عشان كل واحد من الثعابين له هدف معين، ماهو أصلا كان بيرقصهم وحافظهم وعارفهم..ويقول انا مش رايح انا مش رايح الا بصناطيق "صناديق يعني"الإقتراع

مرت الايام وبدأت تظهر خلافات الثعابين مع بعضهم وبدأ كل واحد يبين كرهه للثاني ويتمنى ياكل الثاني اليوم قبل بكره، الشباب الطيب يميل لهذا او لهذا ويبدأو هم يتصايحوا مع بعضهم البعض، الطيبيين يتصايحوا حباً في الوطن والثعابين يتصايحوا رغبه في الحكم وتنفيذ طموحاتهم الشخصيه، وأستغلوا عدم خبرة الطيبين وعدم اتحادهم و"كوشوا" على الموضوع كله

الموضوع كبر أكثر وكل ثعبان أختارله دوله خارجيه عشان تقويه..وكذه أصبح الموضوع مش بس صالح وثعابينه وإنما دول تتصايح مع بعض وناس راغبين في التخلص من صالح وابنه عشان يحكموا، ومستعدين يعملوا أي شي لمصلحتهم، وصالح مستعد يعمل أي شي لبقائه.. والبلد؟البلد طز طبعا ، آخر همهم البلد! وأصبح الموضوع معقد جدا جدا واليمن على حافة الهاويه

..

ولأن في دولتين عظمى خايفه من الفوضى باليمن عشان حتسبب في ضعفهم لأن دوله ثالثه حتستغل الفوضى هذي فقد قرروا ان لازم يكون في حل يرضي الجميع! ايش الحل هذا ايش الحل هذا ..شخص هادي وغامض ومش بيتكلم الا نادراً هذا الشخص يكون رئيس انتغالي"انتقالي يعني"..لمدة سنتين على مايشوفوا كيف تتحل المشكله العويصه هذي وايش يحصل للثعابين

طبعا صالح فرحان أهم شي ان أعدائه ما أخذوش الحكم، إبنه فرحان ابن اخوه فرح الكل بيصوت حتى دنجوان الشرطة النسائيه"عارفينه طبعا" ولسان حالهم يقول "أيوه انتصرنا على حميد ومحسن وغيره ومش هم اللي أخذوا الحكم بالأخير "، في نفس الوقت الثعابين بيقولوا في نفسهم: صالح وإبنه خسروا الحكم وإحنا عندنا أمل نحكم بعدين..معليش نصبر شويه على الصناغيغ "..!وهكذا أصبح هادي هو قارب النجاة، خلي الثعابين واللي مرقصهم وإبنه يبطلوا محارشه ويسكتوا شويه لغاية مانشوف صرفه في الموضوع المهبب هذا. لذلك الناس حتشوف أطراف مختلفه بتصوت لهادي وهم مستغربين ليش طيب يعني كلهم متفقين والا كيف؟لأ يا أهبل مش متفقين !الحكايه انه هو الطرف اللي خلى كل الثعابين"مش الكل نستثنى اللي يشتوا يعملوا دول لوحدهم" تكون مبسوطه إن الطرف الثاني مش هو اللي انتصر وإن لسه في أمل في إنه يحكم ويسرق البلد المسكين

والآن كيف حتتحل المشكله هذي، كيف حنخلص من كل الثعابين والرقاص برضوا اللي إبنه لازال عنده أمل..هذا هو السؤال الصعب في بلد سياستها أصعب من تسلق جبال ايفرست

ملحوظه:حطيت صورة السفير الأمريكي لأنه اشطر واحد بيلعب في الفلم هذا كله

إذا حسيت إن الكلام المبسط مش عاجبك وسخيف ممكن تقرأ كلام فلسفي سابق لي هنا:أيام ماكان ليا حيل أتفلسف

http://almasdaronline.com/index.php?page=essayists&id=1866:

http://www.assafir.com/WeeklyArticle.aspx?EditionId=1989&WeeklyArticleId=84587&ChannelId=11177&Author=%D9%87%D9%86%D8%AF-%D8%A7%D9%84%D8%A5%D8%B1%D9%8A%D8%A7%D9%86%D9%8A